“CSSC” 49 LNG gəmisi sifarişi alıb
Çin Dövlət Gəmiqayırma Korporasiyası (“CSSC”) 2022-ci ildə böyük LNG daşıyıcılarının tikintisi üçün 49 sifariş aldı. Sifarişlərin ümumi müqavilə dəyəri 10 milyard dollardan çox olub. Beləliklə, “CSSC”-nin bazar payı 7%-dən 30%-ə yüksəlib.
“Seanews.az” xəbər verir ki, bu, 2020-ci ildə korporasiyanın potensialın genişləndirilməsi layihəsinə başlaması və “Jiangnan” və “Dalian Shipbuilding Industry” (Dalian Gəmiqayırma Sənayesi) tərsanələrini “Hudong-Zhonghua Shipbuilding” ilə əməkdaşlığa cəlb etməsi sayəsində mümkün olub. Bu həm də böyük LNG daşıyıcılarını qura bilən üç böyük gəmiqayırma zavodu olmaq məqsədinə yaxınlaşmaq üçün strateji bir addım idi.
"CSSC” hazırda Cənubi Koreyanın üç gəmiqayırma şirkəti ilə birlikdə LNG gəmiqayırma bazarında yeni model formalaşdırır. Sifariş strukturu şaxələndirilib və şirkət ilk dəfə olaraq bir neçə əsas müştəri ilə əməkdaşlıq edir.
