İtaliya HDQ 5 mina darama gəmisi alacaq
İtaliya Hərbi Dəniz Qüvvələri yerli “Intermarine SpA” və “Leonardo” şirkətlərinə 5 yeni mina darama gəmisi tədarük etmək imkanı yaradıb.
Ordu.az xəbər verir ki, “Intermarine” və “Leonardo” Müvəqqəti Şirkətlər Qrupu vasitəsilə Müdafiə Baş Katibliyinin Dəniz Silahları İdarəsi və Milli Silahlanma İdarəsi ilə 1,6 milyard avro dəyərində 5 yeni mina darama gəmisinin tədarükü üçün müqavilə imzalayıb.
“Intermarine” İtaliyanın şimal-qərbindəki “Sarzana” gəmiqayırma zavodunda gəminin inşasını öz üzərinə götürərkən, “Leonardo” elektronika, sensorlar və “Athena” döyüş sistemini (SADOC versiya 4) təmin edəcək.
“Intermarine SpA” şirkəti 1,165 milyard avro, “Leonardo” şirkəti isə 430 milyon avro alacaq.
NGM/C (“New Generation Minehunters/Coastal”) sualtı partlayışlardan yaranan küyü udan, aşağı maqnit və akustik "ayaq izi"nə sahib ağır zirehli gəmilər olacaq.
