Qdınyada Polşa Hərbi Dəniz Qüvvələri üçün xilasedici gəmi tikiləcək
Polşanın Milli Müdafiə Nazirliyi ölkənin Hərbi Dəniz Qüvvələri üçün yeni xilasedici gəminin tikintisinə dair saziş imzalayıb.
“Seanews.az” bu barədə “WPolityce.pl” internet portalına istinadən xəbər verir.
“Ratownik” gəmisi qəza vəziyyətində olan sualtı qayıqlara kömək etmək üçün avadanlıqla təchiz ediləcək.
Uzunluğu 100 metr, heyəti 110 nəfər olacaq xilasetmə gəmisinin özülü 2025-ci ildə Qdınyada qoyulacaq.
Gəminin inşasının 2029-cu ildə başa çatdırılması nəzərdə tutulur.
© Materiallardan istifadə edərkən hiperlinklə istinad olunmalıdır
