Zeebrugge limanında göyərtəsində elektrik avtomobilləri olan Ro-Ro gəmisi yanıb
Belçikanın Zeebrugge limanında körpüdə olarkən Ro-Ro tipli “Delphine” gəmisinin göyərtəsində yanğın baş verib.
“Seanews.az” xəbər verir ki, bu barədə “The Maritime Executive” məlumat yayıb.
İlkin məlumatlara görə, yanğın 60 elektromobil və 40 adi avtomobilin olduğu üçüncü göyərtədə başlayıb. 26 heyət üzvü təxliyə edilib, kapitan isə yanğınsöndürmə xidmətləri və digər xilasedicilər tərəfindən sahil əməliyyatlarını əlaqələndirmək üçün gəmidə qalıb. 4 yanğınsöndürən yedək maşını da hadisə yerinə gəlib. Əməliyyat zamanı CO2 yanğınsöndürmə sistemindən istifadə olunub.
İlkin hesablamalara görə, anbarda 60-70 avtomobil yanıb, lakin dəymiş ziyanın həcmi hələ müəyyən edilməyib. Tələfat və ətraf mühitin çirklənməsi barədə məlumat verilməyib.
Elektriklə işləyən avtomobilləri daşıyan gəmilərdə baş verən yanğınlar ciddi problemdir. Beynəlxalq Gəmiçilik Palatası və Nəqliyyat vasitələrinin Təhlükəsizliyi Forumu (VCSF) yanğınla mübarizə təlimatlarında yanğının ən erkən mərhələlərində ventilyasiyanı söndürməyə və CO2 yanğınsöndürmə sistemlərindən istifadə etməyə çağırır.
