“UECC” şirkəti hibrid avtomobil daşıyan gəmi inşa edəcək
“UECC” (United European Car Carriers) şirkəti və “NYK“, “Wallenius Lines” müştərək müəssisələri China Ship Buliding Trading və Jiangnan Shipyard Group Çin tərsanələri arasında üç ədəd ekoloji avtomobil daşıyan gəminin inşası üçün müqavilə imzalanıb.
On göyərtəsi olan bu gəmilərin uzunluğu 196 metr, eni 28 metrdir. Gəmilər 3600 ədəd avtomobil daşımaq imkanına malik olacaq.
İnşası “Svenska SkeppsHypotek” maliyyə qrupu tərəfindən maliyyələşdirələcək bu gəmilərin ümumi inşası təqribən 70 milyon dollar dəyərində olacaq.
Gəmilər Battery Hybrid LNG Solution sistemi ilə təchiz ediləcək. Bu sistem gəminin həm LNG həm də akkumulyator vasitəsilə hərəkət etməsinə imkan verəcək.
“UECC” şirkəti bu sistemin sayəsində tullantıların 2030-cu ilə qədər 40% azalacağına proqnoz verir.
