ASCO üzrə 2024-cü ilin 9 ayında təhvil verilən müxtəlif tullantıların həcmi açıqlanıb
ASCO 2024-cü ilin 9 ayında təhvil verilən müxtəlif tullantıların həcmini açıqlayıb. Belə ki, qeyd edilən dövrdə 0,414 ton kağız, 0,414 ton plastmas, 558,75 ton qara metal, 0,9 ton əlvan metal təkrar emala göndərilib.
2024-cü ilin yanvar-sentyabr aylarının nəticələrinə görə, ASCO gəmilərindən 74,31 m³ plastmas, 653,99 m³ qida qalığı, 625,14 m³ məişət tullantısı (kağız-karton, əski, şüşə, metal və s.), 108,88 m³ istismar tullantısı, 132,1 m³ neft qalığı-şlam, 3452,2 m³ döşəməaltı lyal sular, 67721,9 m³ məişət təsərrüfat çirkab su bağlanmış müqavilələr əsasında təcrübəli mütəxəssislərə və texniki resurslara malik sertifikatlı qurumlara təhvil verilməklə ərazidən kənarlaşdırılıb.
Bu dövrdə ASCO-nun sahil obyektləri üzrə 21,2 ton yanmış qəlib qumu, 1131,34 ton abraziv (gəmi gövdəsindən çıxan pas-boya-çınqıl-qum qarışığı), 61386 ton məişət çirkab suyu, 757,2 ton neftli döşəməaltı-lyal su, 176,4 ton sürtgü yağı, 3395,74 m³ məişət tullantısı (kağız-karton, taxta, əski, şüşə, metal, butulka və s.), 643,66 m³ qida qalığı, 352,75 m³ polimer əsaslı və plastmas tullantı, 65,7 m³ yağlı və neftli tullantı, 191,41 m³ rezin tullantı, 289,05 m³ istismar tullantısı, 0,059 m³ tibbi tullantı aidiyyəti üzrə təhvil verilib.
Xatırladaq ki, ASCO gəmilərin istismarı və sahil obyektlərinin fəaliyyəti nəticəsində yaranan maye və bərk tullantıların su mənbələrinə, qrunt qatına və havaya ekoloji mənfi təsirlərinin minimuma endirilməsini daim diqqətdə saxlayır. Əməliyyatlar zamanı ətraf mühitə zərərin vurulmaması üçün zəruri qabaqlayıcı tədbirlər görülür.
