ASCO gəmiləri dezinfeksiya olunub
Nazirlər Kabinetinin “Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədi ilə “Azərbaycan Xəzər Dəniz Gəmiçiliyi” QSC (ASCO) profilaktik tədbirləri davam etdirir.
Müəyyənləşdirilmiş qrafikə uyğun olaraq növbəti dezinfeksiya işləri ASCO-nun Xəzər Dəniz Neft Donanmasına və Dəniz Nəqliyyatı Donanmasına aid “Akademik Zərifə Əliyeva”, “Qarabağ”, “Cənub-21”, “Orion-20”, “Ağdərə-4”, “Orion-15”, “Ağdərə-7”, “PSK-38”, “Zəfər”, “MPK-470”, “MPK-455”, “Zöhrab Vəliyev”, “Turan”, “Geofizik-3”, “Neftqaz-62” gəmilərində aparılıb.
Dezinfeksiya bu sahədə ixtisaslaşmış və müvafiq lisenziyaya malik şirkət tərəfindən həyata keçirilib. Proses ASCO-nun Sosial inkişaf və nəqliyyat şöbəsinin əməkdaşlarının nəzarəti ilə yerinə yetirilib.
