ASCO-nun daha 20 gəmisində dezinfeksiya işləri aparılıb
Nazirlər Kabinetinin “Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədi ilə “Azərbaycan Xəzər Dəniz Gəmiçiliyi” QSC (ASCO) profilaktik tədbirləri davam etdirir.
Müəyyənləşdirilmiş qrafikə uyğun olaraq növbəti dezinfeksiya işləri “Şah İsmayıl Xətai”, “Nəsimi”, “Babək”, “Prezident Heydər Əliyev”, “Naxçıvan”, “Dədə Qorqud”, “Şahdağ”, “Professor Gül”, “Atlet-8”, “Vixr-9”, “Bakinskaya-3”, “Bakinskaya-5”, “Abşeronskaya-5”, “Balarza Məmmədov”, “Azərbaycan”, ”Vixr-8”, ”Geofizik-1”, “Bunkerovşik-4”, “Süleyman Vəzirov”, “Usuqçay” gəmilərində aparılıb.
Dezinfeksiya bu sahədə ixtisaslaşmış və müvafiq lisenziyaya malik şirkət tərəfindən həyata keçirilib. Proses ASCO-nun Sosial inkişaf və nəqliyyat şöbəsinin əməkdaşlarının nəzarəti ilə yerinə yetirilib.
