ASCO-da dezinfeksiya işləri davam edir
Nazirlər Kabinetinin “Azərbaycanda yeni koronavirus xəstəliyinin yayılmasının qarşısının alınmasına dair fəaliyyət planı”nın icrasını təmin etmək məqsədi ilə “Azərbaycan Xəzər Dəniz Gəmiçiliyi” QSC (ASCO) profilaktik tədbirləri davam etdirir.
Müəyyənləşdirilmiş qrafikə uyğun olaraq növbəti dezinfeksiya işləri “Akademik Zərifə Əliyeva, “Şahdağ”, “Zəngəzur”, Xocavənd”, “Akademik Həsən Əliyev”, “Dağıstan”, Bəstəkar Qara Qarayev”, “Alı Mustafayev”, “Zəfər”, “PSK-51”, “MPK-455”, “PS-158”, “MPK-470”, “Vixr-3” gəmilərində aparılıb. Bununla belə, ASCO-nun tikilməkdə olan yeni inzibati binasında da dezinfeksiya işləri həyata keçirilib.
Dezinfeksiya bu sahədə ixtisaslaşmış və müvafiq lisenziyaya malik şirkət tərəfindən həyata keçirilib. Proses ASCO-nun Sosial inkişaf və nəqliyyat şöbəsinin əməkdaşlarının nəzarəti ilə yerinə yetirilib.
