Türkiyənin 3-cü qazma gəmisinin ölkəyə çatma vaxtı məlum olub
Türkiyənin 3-cü qazma gəmisi İngiltərənin “Talbot” limanından yola çıxıb. Gəminin 17 martda ölkəyə çatması gözlənilir.
“Seanews.az” xəbər verir ki, hazırda "Sertao" adlanan gəminin Türkiyəyə çatdıqdan sonra Prezident Rəcəb Tayip Ərdoğan tərəfindən yenidən adlandırılması gözlənilir.
Sözügedən qazma gəmisi 2012-ci ildə Cənubi Koreyanın "Samsung” tərsanəsində inşa edilib. Ümumilikdə 11 400 metr dərinlikdə 3 min metrədək qazma işi aparmaq imkanına malikdir.
Qeyd edək ki, “Serteo”-nu 2015-ci ildə Braziliyanın enerji nəhəngi Petrobras şirkəti də istismar edib.
© Materiallardan istifadə edərkən hiperlinklə istinad olunmalıdır
