Panama Kanalı İdarəsi maliyyə ilində 3,5 milyard dollar mənfəət gözləyir
Dünya dəniz yüklərinin 5%-6%-nin keçdiyi Panama kanalının 2024-cü il sentyabrın 30-da başa çatacaq maliyyə ili üçün 3,5 milyard dollar mənfəət əldə edəcəyi gözlənilir.
“Seanews.az” bu barədə Panama Kanalı Administrasiyasının (ACP) rəhbəri Rikart Vaskesin hesabatına istinadən xəbər verir.
Maliyyə ilinin ilk doqquz ayında (oktyabr 2023 - iyun 2024) Panama kanalından (CP/SUAB) 8 227 gəmi ilə ümumilikdə 303,8 milyon ton yük keçib. İlin sonuna qədər bu göstərici 430 milyon tona çata bilər.
Normal şəraitdə kanalın orta tranzit qabiliyyəti sutkada 38 gəmidir. Oktyabrdan iyun ayına qədər 26 gəminin keçidinə icazə verilib. Hazırda kanalla gündə 36 gəmi keçir.
Ricaurte Vazquez bildirib ki, müəssisənin xalis aktiv dəyəri 2019-cu ildəki 10,3 milyard dollardan 15,2 milyard dollara yüksəlib. 2 milyard dollar məhz su təchizatı probleminin həlli üçün müxtəlif layihələrə yönəldiləcək.
