Şimali Amerikada boz balinaların sayı son iki ildə azalmaqdadır
Şimali Amerikanın qərbində boz balinaların sayı son iki ildə azalmaqda davam edir.
“Report” xəbər verir ki, Milli Okean və Atmosfer Administrasiyasının 2022-ci il oktyabrın 7-də açıqladığı məlumata əsasən, populyasiyanın sayı 2015-2016-cı illərlə müqayisədə 38% azalaraq 16 650 nəfər təşkil edir.
Bildirilib ki, balinalar 1994-cü ildə elm adamlarının doğumları saymağa başlamasından bəri bu il ən az bala veriblər.
2019-cu ildə özünü qərb sahili çimərliklərinə atan balinaların sayının artması balıqçılıq agentliyini “qeyri-adi ölüm” həyəcanı elan etməyə vadar edib. Tədqiqatçılar hələ də ölümləri araşdırırlar, lakin ehtimal edirlər ki, amillər arasında iqlim dəyişikliyi, dəniz buzlarının əriməsinə təsiri və dəniz heyvanlarının qidalanma şəraiti var.
NOAA-nın məlumatına görə, sahilə atılan balinaların bəziləri gəmi ilə toqquşma və ya balina ovu kimi digər səbəblərdən ölüb.
Sahilə atılan balinaların sayı 2019-cu ildə zirvəyə çatıb və sonrakı illərdə azalıb. Bu da populyasiyanın azalmasının çoxunun o zaman baş verdiyini göstərir.
