Sinqapur limanı bioyanacaq qarışığı standartı hazırlayır
Sinqapur limanı administrasiyası 50%-ə qədər (B50) bioyanacaq qarışıqları üçün sənayenin ilk standart layihəsini hazırlayıb.
“Seanews.az”-ın məlumatına görə, tələblərin hazırlanması prosesində yanacaq təchizatı sənayesi və elmi təşkilatların nümayəndələri ilə məsləhətləşmələr aparılıb.
“Bu standart bioyanacaq qarışıqları 100% -ə qədər (və ya B100-ə qədər) sınaqdan keçiriləcəyi üçün tədricən yenilənəcək. Sınaqların 2025-ci ilə qədər başa çatdırılması gözlənilir. Sinqapur Dəniz Enerjisi və Davamlılıq üzrə Təcrübə Mərkəzi də 2023-cü ilin mart ayının sonuna qədər limanın gəmiləri üçün müxtəlif növ bioyanacaqların və faiz qarışıqlarının uyğunluğu ilə bağlı araşdırmanın nəticələrini dərc edəcək”, - deyə Sinqapur limanından bildirilib.
2030-cu ildən etibarən Sinqapur sularında limanın gəmilərindən B100 bioyanacağı və ya ekvivalent yanacaqdan istifadə etmələri tələb olunacaq. 2023-cü ildə elektrik gəmilərinin, o cümlədən elektrik mühərrikli bərələrin sınaqdan keçirilməsi planlaşdırılır.
Sinqapur limanı həmçinin beynəlxalq gəmiçilikdə dəstəkləmək üçün hidrogen və ammonyakdan istifadəni araşdırır.
