"Huayuan Star" metanol yanacağına hazır “Kamsarmax” tipli gəmilər sifariş edib
Çinin "Huayuan Star Shipping" şirkəti donanmasını genişləndirmək məqsədilə yeni tikinti bazarına müraciət edərək, "Jiangsu Haitong Offshore Engineering Equipment"-də iki ədəd “Kamsarmax” tipli quru yük gəmisi sifariş edib.
"Seanews.az" xəbər verir ki, müqavilənin rəsmiləşdirilməsi üçün imzalanma mərasimi Şanxayda keçirilib.
Sazişə əsasən, 85 min dedveytə malik bu gəmilərin biri 2028-ci ilin ikinci, digəri isə dördüncü rübündə istismara verilməlidir.
Yeni “Kamsarmax” gəmiləri metanol yanacağına uyğun mühərriklərlə təchiz ediləcək.
Gəmilər həm daxili, həm də beynəlxalq daşımalar üçün nəzərdə tutulub.
Yeni gəmilərin istismara verilməsindən sonra "Huayuan Star" şirkətinin ümumi donanma tutumu təxminən 504 min dedveyt tona çatacaq.
© Materiallardan istifadə edərkən hiperlinklə istinad olunmalıdır
