"Samsung Heavy Industries" iki ədəd LNG ilə işləyən "Suezmax" tipli tanker inşa edəcək
"AET" tanker operatoru “Samsung Heavy Industries” (SHI) ilə iki ədəd LNG (mayeləşdirilmiş təbii qaz) ilə işləyən "Suezmax" tipli tanker tikintisinə dair müqavilə imzalayıb.
“Seanews.az” xəbər verir ki, bu tankerlər "AET" donanmasında ilk LNG ikili yanacaqla işləyən "Suezmax" tipli gəmilər olacaq.
Gəmilər istifadəyə verildikdən sonra "AET"-in bütün tanker seqmentlərində ikili yanacaqla işləmək imkanına malik gəmiləri fəaliyyət göstərəcək. Hazırda şirkət 9-u özünə, 2-si icarəyə götürülmüş olmaqla cəmi 11 ədəd LNG ilə işləyən gəmini idarə edir. Bundan əlavə, "Singfar" şirkətindən icarəyə götürülən iki yeni tikiləcək gəmi və hazırda inşası davam edən üç ədəd ammonyakla işləyən gəmi də mövcuddur.
Yeni tankerlərin dizaynı yanacaq sərfiyyatını azaltmaq və hidrodinamik göstəriciləri yaxşılaşdırmaq məqsədilə xüsusi avadanlıqlarla təchiz ediləcək.
