"MSC Cruises" və "Meyer Werft" altı yeni nəsil kruiz gəmisi üçün müqavilə imzalayıb
"MSC Cruises" Almaniyanın Papenburq şəhərində yerləşən gəmiqayırma şirkəti "Meyer Werft"-ə altı ədəd yeni nəsil kruiz gəmisinin tikintisi üçün sifariş yerləşdirib.
"Seanews.az" xəbər verir ki, bu razılaşma "MSC Cruises"-in tamamilə yeni gəmi sinfi olan “New Frontier” platformasının başlanğıcı sayılır.
Maksimum 5 400 sərnişin tutumuna malik gəmilər 2030-cu ildən başlayaraq hər il təhvil veriləcək.
"Meyer Werft"-in baş icraçı direktoru Bernd Eikens bildirib ki, bu yeni sifariş "Meyer Werft"-in 230 illik tarixində mühüm bir mərhələdir. "MSC Cruises"-i yeni müştəri və strateji tərəfdaş kimi qarşılamaqdan məmnunuq və bizə göstərilən etimada görə dərin minnətdarlıq hissi keçiririk.
© Materiallardan istifadə edərkən hiperlinklə istinad olunmalıdır
