"Wan Hai" LNG ilə işləyən yeni gəmilər sifariş edib
Tayvanın konteyner gəmi sahibi "Wan Hai Lines" öz donanmasını genişləndirmək və modernləşdirmək üçün 6 ədəd 6,000 TEU tutumlu LNG ilə işləyən yeni gəmi sifariş edib.
"Seanews.az" xəbər verir ki, gəmilər Çində "CSSC Huangpu Wenchong Shipbuilding" tərsanəsində inşa olunacaq.
Hər gəmi təxminən 75–82 milyon dollar dəyərindədir, ümumi sifarişin qiyməti isə 451–492 milyon dollar olacaq.
Yeni gəmilər 2030-cu ilə qədər təhvil veriləcək və "Wan Hai"-nin ümumi donanmasını təxminən 150 gəmi səviyyəsinə çatdıracaq.
Bu gəmilər əsasən regional və Asiya daxili daşımalar üçün nəzərdə tutulub.
© Materiallardan istifadə edərkən hiperlinklə istinad olunmalıdır
