Dünyanın ilk metanol ikiyanacaqlı ağıllı supertankerı Çində təhvil verilib
Çində müstəqil şəkildə dizayn və inşa edilən, metanol ikiyanacaqlı mühərriklə işləyən dünyanın ilk ağıllı ultra-böyük neft tankeri bazar ertəsi günü Liaonin əyalətinin liman şəhəri olan Dalianda təhvil verilib.
"Seanews.az" xəbər verir ki, “Kai Tuo” adlanan tanker "CSSC Dalian Shipbuilding Industrial Development Co.," Ltd. tərəfindən inşa edilib. Gəminin uzunluğu 333 metr, eni 60 metr, yükgötürmə qabiliyyəti isə 2,1 milyon barrel xam neft təşkil edir.
Adi ultra-böyük neft tankerələri ilə müqayisədə “Kai Tuo” daha yaxşı manevr qabiliyyətinə və limanlara uyğunluğa malikdir. Gəmi yerli istehsal olan metanol ikiyanacaqlı mühərriklər və metanol yanacaq təchizatı sistemi ilə təchiz edilib və ən son beynəlxalq ekoloji emissiya standartlarına cavab verir.
Layihə rəhbəri Li Ciminq bildirib ki, metanol yanacağının istifadəsi nəticəsində karbon qazı emissiyaları 92%-dək, kükürd oksidləri isə 99%-dək azaldıla bilir.
Ekoloji üstünlüklərlə yanaşı, tanker Çində hazırlanmış ağıllı gəmi platforması və bir neçə smart sistemlə təchiz olunub. Bu sistemlər gəminin naviqasiya və texniki istismarının daha təhlükəsiz və səmərəli idarə olunmasına imkan yaradır.
“Kai Tuo”nun Yaxın Şərq – Uzaq Şərq marşrutu üzrə istismar ediləcəyi planlaşdırılır.
