Konteyner gəmiləri üçün nüvə enerjili elektrik mühərrikləri hazırlanacaq
Amerika Gəmiçilik Bürosu (ABS) və Cənubi Koreyanın “HD Hyundai” korporasiyası nüvə enerjisi ilə işləyən elektrik hərəkət sistemlərinin hazırlanmasını nəzərdə tutan müqavilə imzalayıb.
“Seanews.az” xəbər verir ki, birgə layihə 16,000 TEU tutumlu konteyner gəmiləri üçündür. Razılaşmaya əsasən, "Hyundai" tərəfi sistemin əsas dizaynını və elektrik komponentlərini hazırlayacaq, ABS isə təhlükəsizlik standartlarını və texniki uyğunluğu qiymətləndirəcək.
Layihənin əsas məqsədi dənizçilikdə karbon emissiyasını sıfıra endirmək üçün nüvə enerjisinin irimiqyaslı kommersiya gəmiçiliyinə inteqrasiyasını təmin etməkdir.
ABS nümayəndəsi Metyu Müller bu addımı yeni nəsil gəmiçilik həlləri üçün "mühüm mərhələ" adlandırıb. Artıq Kiçik Modul Reaktorları (SMR) üzərində müxtəlif tədqiqatlar aparan tərəflər, bu texnologiya vasitəsilə qlobal dekarbonizasiya hədəflərinə nail olmağı planlaşdırır.
