Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2023-02-05,
Seanews
Heyder Eliyev

Venesiya limanına yan alan gəmilərin sayı 15% artıb

2022-ci ilin yanvar-sentyabr aylarında İtaliyanın Venesiya dəniz limanının ümumi yük dövriyyəsi 18,64 milyon ton təşkil edib ki, bu da 2021-ci ilin eyni dövrü ilə müqayisədə 3,5% çoxdur.  

“Seanews.az”ın məlumatına görə, 2022-ci ilin hesabat dövründə maye yüklərin aşırılması 3,5% azalaraq 5 milyon 998 min tona düşüb. O cümlədən, neft məhsullarının işlənməsi 10% azalaraq 4 milyon 768 min tona düşüb. Kimyəvi yüklərin aşırılması 19% artaraq 968 min tona, digər maye yüklərin aşırılması 104% artaraq 262 min tona çatıb.

2022-ci ilin ilk doqquz ayında Venesiya limanında toplu yüklərin aşırılması 5 milyon 284 min ton təşkil edib ki, bu da bir il əvvəlkindən 9% çoxdur. Kömürün aşırılması 169 faiz artaraq 1 milyon 308 min tona, taxılın aşırılması 39 faiz artaraq 296 min tona, kimya məhsullarının aşırılması 33 faiz artaraq 176 min tona çatıb. Metallurgiya məhsullarının aşırılması 14% azalaraq 1 milyon 398 min tona, qida və yem məhsullarının aşırılması 16% azalaraq 1 milyon 17 min tona, filizlərin, sement, əhəng və gipsin aşırılması 7% azalaraq 977 min tona düşüb.

Hesabat dövründə ümumilikdə 7 milyon 358 min ton yük (+6%), o cümlədən 4 milyon 100 min ton konteyner yükü (+8%), 1 milyon 487 min ton Ro-Ro (+16%) yükü vurulub.

İşlənmiş konteynerlərin ümumi sayı 10% artaraq 415 000 TEU-ya çatıb.

Yanvar-sentyabr aylarında bərələrlə 110 min 42 sərnişin daşınıb.

2022-ci ilin doqquz ayının nəticələrinə görə, Venesiya limanına 2205 gəmi yan alıb ki, bu da bir il əvvəlkindən 15% çoxdur.

Xatırladaq ki, 2021-ci ildə Venesiya limanında 24,2 milyon ton yük aşırılıb ki, bu da 2020-ci illə müqayisədə 7,9% çoxdur.

 


© Materiallardan istifadə edərkən hiperlinklə istinad olunmalıdır