Finlandiya limanlarının ümumi konteyner dövriyyəsi azalıb
2023-cü ilin 2 ayı ərzində Finlandiyanın bütün limanlarının ümumi konteyner dövriyyəsi tranzit daxil olmaqla 190,5 min TEU təşkil edib. Bu, 2022-ci ilin eyni dövrü ilə müqayisədə 13,1% azdır.
Eyni zamanda, ixrac konteyner axını 7,5% azalaraq 91,3 min TEU, konteyner idxalı 16,1% azalaraq 87,1 min TEU təşkil edib. Tranzit daşıma 27,5% (12,1 min TEU) azalıb.
Finlandiya Statistika İdarəsinin məlumatına görə, Finlandiyanın konteyner limanları arasında lider olan Hamina Kotka 2023-cü ilin yanvar-fevral aylarında 81,9 min TEU (tranzit istisna olmaqla) aşırıb ki, bu da bir il əvvəlkindən 5% azdır.
Bu ilin yanvar-fevral aylarında Helsinki körpülərindən bir il əvvəllə müqayisədə 15,3% az konteyner keçib - onların həcmi 56,5 min TEU təşkil edib. Raumanın konteyner dövriyyəsi 25,5 min TEU olub ki, bu da 13,1% az deməkdir.
Hesabat dövrünün nəticələrinə görə, Hanko limanında konteynerlərin dövriyyəsi 34,2% azalaraq 7,5 min TEU təşkil edib. Oulu limanı 2022-ci ilin yanvar-fevral ayları ilə müqayisədə 26,8% az olmaqla 3000 TEU-dan bir qədər çox yük aşırıb.
Tornio limanı da konteynerlərin aşırılmasını əhəmiyyətli dərəcədə azaldıb - mənfi 24,5% - 1,5 min TEU. 2023-cü ilin ilk iki ayının nəticələrinə görə, konteynerlərin aşırılması Kokkolada - 5,3% (1,4 min TEU), Turkuda - 8% (448 TEU), Pietarsaaridə - 28,9% (86 TEU-ya qədər) və Uusikapunkiidə - 80,2% (68 TEU-ya qədər) azalıb.
Kemi və Raahe limanlarında isə konteynerin aşırılması həcmi müvafiq olaraq 33,2% (501 TEU-ya qədər) və 4,5% (23 TEU-ya qədər) artıb.
Qeyd edək ki, bu ilin fevral ayında Finlandiyanın bütün limanlarının ümumi konteyner dövriyyəsi (tranzit istisna olmaqla) 60,4 min TEU təşkil edib. Bu, ötən ilin fevral ayı ilə müqayisədə 40,7%, əvvəlki ayla müqayisədə isə 48,8% az deməkdir.
“Seanews.az”
