2023-cü ilin 7 ayında Aktau limanı vasitəsilə 2,6 milyon tondan çox quru və maye yük aşırılıb
2023-cü ilin 7 ayı ərzində Aktau dəniz ticarət limanı vasitəsilə 2,6 milyon tondan çox quru və maye yük aşırılıb. Bu da ötən ilin eyni dövrü ilə müqayisədə 24% çoxdur.
"Seanews.az" xəbər verir ki, limanda 142 min ton taxıl, 114 min ton metal, 13 mindən çox konteyner işlənib.
Qazaxıstan neftinin ixracının Aktau limanı vasitəsilə Bakı-Tbilisi-Ceyhan marşrutuna yönəldilməsi ilə əlaqədar neftin nəqli 2022-ci illə müqayisədə 58% artaraq 2,1 milyon tona çatıb.
Qazaxıstan Dəmir Yolları QSC-nin mətbuat xidməti xəbər verir ki, Aktau limanı vasitəsilə əlvan metalların ixracının artması hesabına metal daşınması 87% artıb.
© Materiallardan istifadə edərkən hiperlinklə istinad olunmalıdır
