Həştərxan vilayətinin limanlarında aşırılan yüklərin əsasını taxıl təşkil edir
Bu ilin yeddi ayı ərzində Həştərxan və Olya dəniz limanlarının yük dövriyyəsi 3,2 milyon ton təşkil edib ki, bu da ötən ilin müvafiq dövrü ilə müqayisədə 36% çoxdur.
"Seanews.az" xəbər verir ki, 2024-cü ilin yanvar-iyul aylarında Həştərxan və Olya dəniz limanları vasitəsilə idxal olunan yüklərin aşırılması ötən ilin müvafiq dövrü ilə müqayisədə 64%, ixrac yüklərinin aşırılması 30%, kabotaj yüklərinin işlənməsi isə 29% artıb.
Yük dövriyyəsinin əsasını taxıl təşkil edir. 2024-cü ildə 1,8 milyon ton taxıl aşırılıb ki, bu da ümumi yük həcminin 50%-dən çoxunu təşkil edir.
© Materiallardan istifadə edərkən hiperlinklə istinad olunmalıdır
