Yanvar-oktyabr aylarında Sinqapur limanında 519,4 milyon ton yük aşırılıb
2024-cü ilin yanvar-oktyabr aylarında Sinqapur limanının yük dövriyyəsi ötən ilin müvafiq dövrü ilə müqayisədə 5,7% artaraq 519,4 milyon ton təşkil edib.
“Seanews.az” xəbər verir ki, neft yüklərinin aşırılması 0,7% artaraq 161,76 milyon tona, toplu yüklərin aşırılması 38,6% artaraq 25,29 milyon tona çatıb.
Hesabat dövründə 21,93 milyon ton (+1,1%) ümumi qablaşdırılmamış yüklər işlənib.
Limanda 34,23 milyon TEU konteyner aşırılıb ki, bu da 6,2% çoxdur.
Qeyd edək ki, Sinqapur Cənub-Şərqi Asiyada bir adada yerləşən şəhər-dövlətdir. 2023-cü ildə Sinqapur limanında 591,7 milyon ton yük aşırılmışdı.
© Materiallardan istifadə edərkən hiperlinklə istinad olunmalıdır
