“MSC Group” “HHLA” terminallarında konteyner dövriyyəsini ən azı 1 milyon TEU-ya çatdıracaq
İsveçrənin “MSC” qrupunun “Port of Hamburg Beteiligungsgesellschaft” törəmə şirkəti “Hamburger Hafen und Logistik Aktiengesellschaft” (“HHLA”) səhmləri üçün tender təklifi üzrə prosesləri və Hamburq bələdiyyəsi ilə “HHLA” birgə müəssisəsinin yaradılması işlərini başa çatdırıb.
“Seanews.az” xəbər verir ki, Hamburq şəhəri "A" kateqoriyalı “HHLA” səhmlərinin hamısını natura şəklində kapital artımı yolu ilə Hamburq limanına köçürüb və artırılmış kapitalın qeydiyyatından sonra onun əsas səhmdarı olacaq.
“HHLA” bazarda birgə müəssisə kimi fəaliyyət göstərəcək, burada Hamburq şəhəri 50,1%, “MSC Group” isə 49,9% paya sahib olacaq. Hər iki tərəf “HHLA” və Hamburq limanının inkişafını davam etdirmək niyyətindədir.
Buna nail olmaq üçün “MSC Group” 2031-ci ildən “HHLA” terminallarında konteyner dövriyyəsini ən azı 1 milyon TEU-ya çatdıracaq. Bundan əlavə, Hamburq şəhəri və “MSC Grup” investisiyaları dəstəkləmək üçün “HHLA”-ya 450 milyon avro nizamnamə kapitalı verməyə razılaşıblar. Müqaviləyə əsasən, Hamburq şəhəri və “MSC Group” mövcud “HHLA” işçilərinin hüquqlarını və bütün bazar oyunçuları üçün “HHLA” terminallarının cəlbediciliyini təmin edəcək. Növbəti mərhələdə Hamburq, “HHLA” və “MSC Group” birlikdə “HHLA”-nın rəqabət qabiliyyətini artırmaq üçün orta müddətli biznes və investisiya planlarını yekunlaşdıracaq.
“MSC Group” həmçinin 2026-cı ildən etibarən Hamburqun Hafen şəhərində 700-ə yaxın işçinin işləyəcəyi yeni qərargahını tikməyi planlaşdırdığını açıqlayıb.
