Hamina-Kotka limanına yük əməliyyatları üçün gözlənildiyindən 3,8% az gəmi yan alıb
2024-cü ildə Finlandiyanın Hamina-Kotka limanında 13,1 milyon ton yük aşırılıb. Bu göstərici 2023-cü illə müqayisədə 6,9% azdır.
“Seanews.az” liman administrasiyasına istinadən xəbər verir ki, hesabat dövründə ixrac yüklərinin aşırılması 8,5% azalaraq 8,6 milyon tona, idxal edilən yüklərin işlənməsi isə 3,6% azalaraq 4,54 milyon tona düşüb.
Tranzit aşırma 24,9% azalaraq 2,36 milyon ton, kabotaj yüklərinin aşırılması 33,2% azalaraq 131,24 min ton olub.
Limanın konteyner dövriyyəsi 571,1 min TEU təşkil edib ki, bu da 7,5% az deməkdir.
İl ərzində limana yük əməliyyatları üçün gözlənildiyindən 3,8% az - 2181 gəmi yan alıb.
Qeyd edək ki, 2023-cü ildə limanda 14,12 milyon ton yük aşırılmışdı.
© Materiallardan istifadə edərkən hiperlinklə istinad olunmalıdır
