Çin aviadaşıyıcısı Çilinin Lirken limanına transokean marşrutunu ləğv edəcək
“OOCL” şirkəti Çindən Çili sahillərindəki Lirken limanına transokean marşrutunun ləğv edildiyini və gəmilərin Perunun yeni Çankay limanına yönləndirildiyini bildirib.
“Seanews.az” xəbər verir ki, “OOCL” 2026-cı ilin mart ayından “Chancay Express” xidmətini işə salacaq, yükləri Perunun meqa-limanından Çilinin San Antonio və Lirken limanlarına göndərəcək, sonra Peruya və oradan birbaşa Çinə qayıdacaq. Bu, Çin və Bio-Bio bölgəsində yerləşən Çili limanı arasında birbaşa transokean marşrutunu aradan qaldıracaq.
Çilili iş adamlarının fikrincə, bu, Çili limanlarının rəqabət qabiliyyətinin itirilməsindən xəbər verir.
Çinin “Orient Overseas Container Line” (“OOCL”) şirkəti dünyanın aparıcı konteyner daşıma şirkətlərindən biridir. Asiya, Avropa, Şimali Amerika və Avstraliyada fəaliyyət göstərən “OOCL”-in 70 ölkədə 320-dən çox ofisi var.
Xatırladaq ki, Peruda Çin sərmayəsi ilə inşa edilən Çankay limanı 2024-cü ilin noyabrında açılıb. Yeni liman mövcud ən böyük konteyner gəmilərini qəbul edə biləcək.
