Türkiyə limanlarından yüklər daha çox İtaliya, ABŞ, İspaniya, Misir və Çinə yola salınıb
2025-ci ilin yanvar ayında Türkiyə limanlarının yük dövriyyəsi ötən ilin eyni dövrü ilə müqayisədə 12,8% artaraq 48,6 milyon ton təşkil edib.
“Seanews.az”-ın məlumatına görə, ölkənin Nəqliyyat və İnfrastruktur Nazirliyi yanında Dənizçilik Baş İdarəsinin hesabatında belə deyilir.
İlin ilk ayında Əliağa limanında 7,72 milyon ton, Kocaelidə 7,71 milyon ton, İskəndərunda 6,59 milyon ton, Ceyhanda 4,58 milyon ton, Tekirdağda 4,49 milyon ton, Mersində 4,11 milyon ton və Ambarlıda 2,48 milyon ton yük aşırılıb. Türkiyənin on ən böyük limanı ümumilikdə 41,2 milyon ton yük aşırılıb ki, bu da işlənən ümumi yüklərin 84,8%-ni təşkil edir.
Türkiyə limanlarından ən çox ixrac edilən mallar Portland sementi (886,2 min ton), dizel yanacağı (711,4 min ton), klinker (553 min ton), alüminium filizi və konsentratları (496,7 min ton), natrium karbonat (285,4 min ton), əsas ixracat istiqamətləri isə İtaliya (1,42 milyon ton), ABŞ (1,17 milyon ton), İspaniya (810 min ton), Misir (759 min ton) və Çindir (748 min ton) olub.
Əsas idxalda antrasit (3,12 milyon ton), neft (2,39 milyon ton), LNG (1,94 milyon ton), metal qırıntıları (1,56 milyon ton) və koks (1,53 milyon ton) üstünlük təşkil edib. Neft, antrasit və koks kimi yük növləri üzrə Rusiya əsas tədarükçü olaraq qalır və yanvarda Türkiyəyə ümumilikdə 9,43 milyon ton yük ixrac edib. ABŞ LNG-nin əsas təchizatçısına çevrilib.
Rusiyadan başqa, Türkiyəyə tədarükdə ABŞ (2,58 milyon ton), Misir (1,24 milyon ton), Yunanıstan (1,12 milyon ton) və Çin (1 milyon ton) fərqlənib.
Türkiyə limanlarında aşırılan konteynerlərin sayı 2025-ci ilin yanvar ayında 14% artaraq 1,51 milyon TEU-ya çatıb.
