Los-Anceles limanının konteyner dövriyyəsi artıb
2025-ci ilin fevral ayında ABŞ-nin Los-Anceles limanının konteyner dövriyyəsi keçən ilin eyni ayı ilə müqayisədə 2,5% artaraq 801,3 min TEU-dan çox olub.
“Seanews.az” xəbər verir ki, hesabat dövründə limanda 413,2 min TEU idxal konteyneri aşırılıb ki, bu da illik müqayisədə 1% artıq deməkdir. 109,1 min TEU (-18%) ixrac konteynerləri və 279 min (+16%) boş konteyner aşırılıb.
2025-ci ilin yanvar-fevral aylarında Los-Anceles limanında 2024-cü ilin eyni dövrü ilə müqayisədə 5,4% çox olmaqla 1,7 milyon TEU işlənib.
San Pedro körfəzində yerləşən Los Anceles limanı ABŞ-nin iri dəniz limanıdır. 3,5 min hektar sahədə ən müxtəlif yüklərin aşırılması üçün 27 terminal var. Bu terminallarda ildə 190 milyon tona qədər yükü işləmək mümkündür.
© Materiallardan istifadə edərkən hiperlinklə istinad olunmalıdır
