Limassolun Yeni limanı rekord sayda kruiz gəmisi qəbul edib
2023-cü ilin oktyabr ayında Limassolun Yeni limanı rekord sayda kruiz gəmisi qəbul edib. Keçən ay körpülərinə təxminən 48 min turisti olan 31 kruiz gəmisi yan alıb. Bu, son beş ilin ən yaxşı göstəricisidir.
“Seanews.az” xəbər verir ki, adətən, laynerlər səhər Limassol limanına daxil olur və axşam Şərqi Aralıq dənizindəki növbəti limana yola düşürlər. Oktyabr ayında turistlər Kiprə dəniz yolu ilə əsasən Avstraliya, Böyük Britaniya, ABŞ, İsrail, İtaliya, İspaniya və İndoneziyadan gəliblər. Limassol limanı Aralıq dənizi ətrafında kruizlər həyata keçirən altı gəmi üçün çıxış nöqtəsidir.
Limassol limanı 2023-cü ilin axırınadək 200-ə yaxın kruiz gəmisinə xidmət göstərəcək. Sərnişin axınının 300 min nəfərə çatacağı gözlənilir.
© Materiallardan istifadə edərkən hiperlinklə istinad olunmalıdır
