Yunanıstan Hərbi Dəniz Qüvvələri əlavə 7 milyon avro vəsait istəyib
Yunanıstanda Müdafiə Nazirliyi ilə Maliyyə Nazirliyi arasında böhran yaşanıb.
Ordu.az xəbər verir ki, Yunanıstan Hərbi Dəniz Qüvvələri (HDQ) ayrılmış vəsaitlərin artıq xərclənməsi səbəbindən zərbə bölmələrinin saxlanması üçün əlavə 7 milyon avro vəsait istəyib.
Yunanıstan Maliyyə Nazirliyi Yunanıstan HDQ-nin əməliyyat ehtiyacları üçün kifayət qədər əsaslandırmanın olmadığı bəhanəsi ilə tələbi rədd edib.
Müvafiq cavabı maliyyə nazirinin müavini Atanasios Petralias imzalayıb. Bu tələb yaşı 40-a yaxın və ya daha çox olan köhnə freqatlar üçün edilib.
© Materiallardan istifadə edərkən hiperlinklə istinad olunmalıdır
