Türkiyədə üzən dok batıb
İstanbul ətrafında Mərmərə dənizində üzən dok batıb və dokda olan 24 işçi xilas edilib.
“Seanews.az” xəbər verir ki, bu barədə Türkiyə Nəqliyyat Nazirliyinin Dəniz İşləri Departamenti məlumat yayıb.
Hadisə Kocaeli vilayətinin liman bölgəsində, İstanbuldan 100 km aralıda yerləşən “Yachtley” gəmiqayırma zavodunda yaxtanın yaxınlaşması zamanı baş verib.
“Dəniz mühitinin çirklənməsi ilə bağlı heç bir məlumat daxil olmayıb, nazirlik tərəfindən zəruri tədbirlər və inzibati yoxlamalar aparılır", - deyə məlumatda bildirilir.
Kocaeli bölgəsi Türkiyənin ən böyük sənaye və liman mərkəzlərindən biridir. Liman ərazisindəki müxtəlif təyinatlı 40-a yaxın körpüyə hər il 10 mindən çox gəmi yan alır.
© Materiallardan istifadə edərkən hiperlinklə istinad olunmalıdır
