“ZIM” Malayziya limanına gəmi səfərlərini ləğv edib
İsrailin “ZIM” gəmiçilik şirkəti Malayziyanın əsas mərkəzi olan Port Klanqa bütün səfərləri ləğv edib.
“Seanews.az” bu barədə “The Loadstar”a istinadən xəbər verir. Bundan əlavə, hazırda “ZIM” xidmətlər şəbəkəsində Malayziyanın başqa limanı da yoxdur.
Xatırladaq ki, ötən ilin dekabrında Malayziya hakimiyyəti İsrail bayrağı altında üzən gəmilərin limanlarına daxil olmasını qadağan etmişdi. Qadağa, digər şeylərlə yanaşı, İsrailin “ZIM” gəmiçilik şirkətinə də şamil edilib. Malayziyanın Baş naziri Ənvər İbrahim o zaman deyib: “Bu, İsrailin Fələstinə qarşı hərəkətlərinə cavabdır”.
Nəşrin qeyd etdiyi kimi, bu, ilk növbədə, yalnız “ZIM”in konteyner gəmilərindən istifadə edən iki xəttə təsir edib. Bunlar Asiya-Avropa ticarətində “ZMP” və Asiya-ABŞ ticarətində “ZXB” (“Zim Baltimore Express”) xidmətləridir.
