İki yanacaqla işləyən balkerlərin birgə istismarı imkanları öyrəniləcək
Sinqapurun “U-Ming Marine Transport” (“U-Ming”, Tayvanın “U-Ming Marine Transport Corporation”-un törəmə şirkəti) Yaponiyanın “ITOCHU” korporasiyası ilə iki yanacaqlı ammonyak tutumlu gəmilərin birgə mülkiyyəti və istismarını araşdırmaq üçün anlaşma memorandumu imzalayıb.
“Seanews.az” xəbər verir ki, sənəddə həmçinin dəniz emissiyalarının azaldılması üzrə digər həllərin, məsələn, alternativ yanacaq növlərinin və enerjiyə qənaət edən müxtəlif cihazların istifadəsi kimi həllərin öyrənilməsi və həyata keçirilməsi nəzərdə tutulur.
Şirkətin dörd iki yanacaqlı mayeləşdirilmiş təbii qaz (LNG) balkerinə (“Capesize” tipli) əlavə olaraq, “U-Ming” hazırda rotor yelkənlərinin, karbon tutma sisteminin quraşdırılması və ənənəvi yanacaq sistemlərinin iki yanacaqla əvəz edilməsi üçün donanmasında yanacaq metanol sistemlərinin texniki-iqtisadi əsaslandırılması işləri aparır.
Qeyd edək ki, “U-Ming”-in donanması ümumi dedveyti 8,77 milyon ton olan 72 gəmidən ibarətdir. Şirkətin Sinqapur, Honkonq və Syamendə törəmə şirkətləri var.
