BMT: Bəşəriyyətin yaşaması su ehtiyatlarının idarə olunmasından asılıdır
“Bəşəriyyətin yaşaması insanların suyu necə idarə etməsindən asılıdır”.
“Report” xəbər verir ki, bunu BMT-nin Baş katibi Antonio Quterreş BMT-nin Su ehtiyatları üzrə Konfransının bağlanış mərasimindəki çıxışında bildirib.
Onun sözlərinə görə, su qlobal siyasi gündəmin mərkəzində olmalıdır: “Bəşəriyyətin gələcəyə olan bütün ümidləri bu və ya digər şəkildə su ehtiyatlarının davamlı idarə edilməsi və qorunması üçün yeni kursun müəyyən edilməsindən asılıdır”.
Qeyd edək ki, BMT-nin sonuncu hesabatında qeyd olunub ki, dünya əhalisinin 26%-nin - 2 milyard insanın təhlükəsiz içməli suya, 46%-nin - 3,6 milyard insanın isə əsas sanitariya şəraitinə çıxışı yoxdur.
BMT-nin araşdırmaları da göstərir ki, dünya əhalisinin demək olar ki, yarısı təmiz içməli su içə bilmir. 2030-cu ilə qədər isə dünya əhalisi ciddi su qıtlığı yaşayacaq.
