"TCG Anadolu" gəmisi İzmirə çatıb
Türkiyənin hərbi hücum gəmisi "TCG Anadolu" Sarayburnu limanından İzmirin "Alsancak" limanına gəlib.
"Seanews.az" xəbər verir ki, gəmi artıq ziyarətçilərini qəbul etməyə başlayıb.
Aprelin 17-dən vətəndaşların ziyarətinə açılan "TCG Anadolu"nu İstanbul proqramı zamanı 140 min 55 nəfər ziyarət edib.
Məlumat üçün bildirək ki, "TCG Anadolu"nun uzunluğu 231, eni 32 metrdir.
Gəmi 13 tank, 27 zirehli amfibiya hücum maşını (ZAHA), 6 zirehli personal daşıyıcısı, 33 müxtəlif texnika və 15 qoşqu olmaqla, ümumilikdə 94 nəqliyyat vasitəsini göyərtələrində daşıya bilir.
Gəminin uçuş göyərtəsinə 10 helikopter və ya 11 SİHA yerləşdirilə, anqarda isə 19 helikopter və ya 30 SİHA daşına bilər. Gəmi 1223 şəxsi heyəti qəbul edəcək. Təyyarədə tamhüquqlu xəstəxana və 2 əməliyyat otağı da var.
