Asiya limanları Dünya Bankının reytinqində ilk yerlərdədirlər
Dünya Bankı limanların yeni reytinq siyahısını dərc edib.
“Seanews.az” Dünya Bankının hesabatına istinadən xəbər verir ki, Cənub-Şərqi Asiya limanları tədqiqatın ən yüksək pillələrində üstünlük təşkil etməkdə davam edirlər.
Çinin Yanşan (Şanxay) limanı ardıcıl ikinci il birinci yeri tutub, Omanın Salalah limanı ikinci, Kolumbiyanın Kartaxena limanı isə üçüncü yerə yüksəlib.
Hesabat 182 min gəmi səfəri, 238 milyon yerdəyişmə və təxminən 381 milyon TEU barədə məlumatların təhlili nəticəsində yaranıb. Yüz liman göstəricilərini yaxşılaşdırıb.
Dünya Bankı bildirir ki, hesabat həm də milli hökumətlərə və istehlakçılara fayda verəcək təkmilləşdirmə sahələrini müəyyənləşdirməyə imkan verir.
© Materiallardan istifadə edərkən hiperlinklə istinad olunmalıdır
