Britaniya Hərbi Dəniz Qüvvələri esmineslərinin yalnız üçdə biri istismara yararlı vəziyyətdədir
Hazırda Kral Donanmasının yalnız iki aparıcı esminesi xidmətdədir, gəmilərin üçdə ikisi isə gəmi təmiri zavodunda boş dayanıb.
“Seanews.az” bu barədə “Telegraph”-a istinadən xəbər verir.
Beləliklə, Britaniya Hərbi Dəniz Qüvvələrinin “45” tipli altı müasir esminesindən dördü hazırda “Portsmut”dakı gəmiqayırma zavodundadır. Xüsusilə, “Daring” esminesi istismara verildiyi gündən bəri gəmiqayırma zavodunda dənizdə olduğundan daha çox vaxt keçirib. Eyni zamanda, Britaniya Hərbi Dəniz Qüvvələrində xidmətdə olan “23” tipli səkkiz freqatdan hazırda altısı işləyir.
Xatırladaq ki, bu ilin fevralında Böyük Britaniyanın ən böyük təyyarədaşıyan gəmisi “HMS Queen Elizabeth” qəzaya görə NATO-nun “Steadfast Defender” təlimlərində iştirak edə bilməyib. Bunun əvəzinə London təcili olaraq “HMS Prince of Wales” təyyarədaşıyan gəmisini NATO təlimlərində iştirak etmək üçün göndərib.
Mart ayında isə Şotlandiyada “HMS Queen Elizabeth” təyyarədaşıyan gəmisində yanğın baş vermişdi.
