ASCO əməkdaşları arasında keçirilən mini-futbol turniri başa çatıb
ASCO-nu işçiləri və struktura daxil olan digər qurumların əməkdaşları arasında 31 dekabr – Dünya Azərbaycanlılarının Həmrəyliyi Gününə həsr olunmuş mini-futbol turniri yekunlaşıb.
“Zığ” Gəmi Təmiri və Tikintisi Zavodunun komandası turnirin qalibi olub. İkinci yerdə “Bibiheybət” Gəmi Təmiri Zavodu, üçüncü yerdə isə Xəzər Dəniz Neft Donanmasının komandası qərarlaşıb.
Qaliblərə diplom və hədiyyələr təqdim olunub.
Sosial inkişaf və nəqliyyat departamentinin təşkilatçılığı ilə baş tutan turnirdə ümumilikdə 5 komanda iştirak edib.
Qeyd edək ki, ASCO-da əməkdaşlar arasında mütəmadi idman yarışları təşkil olunur. Məqsəd dənizçilərin asudə vaxtını səmərəli təşkil etmək, onların fiziki sağlamlığını möhkəmləndirmək, idmana maraqlarını daha da artırmaqdan ibarətdir.
