“Cığır” İB-nin qeydiyyatında olan bir qrup uşaq üçün “Suraxanı” gəmi-muzeyinə ekskursiya təşkil edilib
“Cığır” İctimai Birliyinin qeydiyyatında olan bir qrup uşaq ASCO-nun “Suraxanı” gəmi-muzeyinə ekskursiyası təşkil edilib.
Ekspozisiya zalları ilə tanış olan uşaqlara muzeyin yaranma tarixi, burada nümayiş olunan dənizçiliyin ruhunu özündə əks etdirən eksponatlar, eləcə də müxtəlif sənəd və fotoşəkillər barədə ətraflı məlumat verilib.
Qonaqlar muzeyin zallarında yerləşən artırılmış reallıq sistemləri, interaktiv oyunlar və digər multimediya avadanlıqlarını maraqla qarşılayıblar.
Azərbaycan və dünya gəmiçiliyinə aid nadir eksponatlarla zəngin “Suraxanı” gəmi-muzeyini ziyarət uşaqların hər birində xoş təəssürat yaradıb. Onlar muzeydən gözəl ovqatla ayrılıblar.
© Materiallardan istifadə edərkən hiperlinklə istinad olunmalıdır
