2030-cu ilə qədər gəmiqayırmada ilk 10-luğa düşmək istəyi Hindistandan böyük investisiyalar tələb edir
Hazırda 0,07% qlobal bazar payına sahib olan Hindistan gəmiqayırmada TOP 15-də belə yer almayıb. 2030-cu ilə qədər ilk 10-luqda olmaq isə, Narendra Modi administrasiyasının dəfələrlə qeyd etdiyi kimi, böyük investisiyalar tələb edir.
“Seanews.az” bildirir ki, iddialı hədəflərə çatmaq üçün Hindistan tərsanələrinin illik istehsal həcmi 2030-cu ilə qədər 0,072 milyon gt-dan 0,33 milyon gt-a və 2047-ci ilə qədər ildə 11,31 milyon gt-a çatdırılmalıdır. Çinin dünya gəmiqayırma sahəsində üstünlük təşkil etdiyini nəzərə alsaq, məqsədə çatmaq çətindir. Hazırda qlobal gəmiqayırma sifarişlərinin 64,7%-i Çinin payına düşür, ikinci və üçüncü yerləri tutan ölkələr - Cənubi Koreya və Yaponiyanın sifarişlərinin cəmi 30,8% təşkil edir.
Bununla belə, ekspertlər hesab edirlər ki, Hindistanın gəmiqayırma sənayesi strateji məqsədlərə nail olmaq üçün unikal imkana malikdir.
Hindistanın rəqabət üstünlüyü onun daha kiçik tonajlı gəmilər yaratmaq qabiliyyətindədir. Başqa sözlə, bu, Çin, Koreya və Yaponiyadakı gəmi istehsalçıları tərəfindən diqqətdən kənarda qalan seqmentdir. Adıçəkilən ölkələr böyük və mürəkkəb gəmilərə diqqət yetirməyə meyllidirlər.
