“ADNOC L&S” şirkəti “Navig8 TopCo Holdings”-in səhmlərinin 80%-ni alıb
BƏƏ-də yerləşən “ADNOC Logistics and Services” (“ADNOC L&S”) şirkəti “Navig8 TopCo Holdings”-in (“Navig8”) səhmlərinin 80%-ni alıb.
"Seanews.az” xəbər verir ki, “ADNOC L&S” bu qədər paya mülkiyyət hüququ əldə etmək üçün “Navig8”-ə 1,04 milyard ABŞ dolları (3,8 milyard AED) ödəyib.
“ADNOC L&S” qalan 20% payı, 2027-ci ilin ortalarında EBITDA-dan asılı olaraq, 335 milyon dollardan 450 milyon dollaradək bir ödənişlə almağı planlaşdırır.
“Navig8” şirkəti 2007-ci ildə yaradılıb və hazırda 32 gəmidən ibarət tanker donanması ilə beynəlxalq operatordur. Şirkətin 5 qitənin 15 şəhərində ofisi var. Bundan əlavə, “Navig8” qrupu dünya üzrə 1000-dən çox limana bunker yanacağı tədarükçülərindən biridir və dəniz sektoruna xidmət göstərən digər şirkətlərə investisiyalarda iştirak edir.
“ADNOC L&S” (Əbu-Dabi, BƏƏ) üç biznes bölməsindən ibarətdir və inteqrasiya olunmuş dəniz logistika həlləri üzrə regionun aparıcı təchizatçısıdır. Şirkət dünyanın 50 ölkəsində 100-dən çox müştərini enerji resursları ilə təmin edir. Son iki il ərzində “ADNOC L&S” səkkiz VLCC xam neft tankeri, altı ərzaq məhsulları daşıyan gəmi, beş VLGC dəniz qaz daşıyıcısı və altı LNG daşıyıcısı da daxil olmaqla 25 okean gəmisi əldə edib.
