Qazaxıstan dəniz limanlarının dərinləşdirilməsinin ilk mərhələsinə 21 milyard təngə xərcləyəcək
Qazaxıstan Respublikası hökuməti limanın akvatoriyasında dərinləşdirmə işləri üçün üç mərhələdən ibarət proqram hazırlayıb. Limanların dərinləşdirilməsinin birinci mərhələsinə 21 milyard təngə xərclənəcək.
“Seanews.az” xəbər verir ki, torpağın qazılmasının ümumi həcmi 2,4 milyon ton təşkil edəcək.
Alimlərin hesablamalarına görə, Xəzər dənizinin səviyyəsi ildə təxminən 20 sm azalır. Azaldıqca da, gəmilərin tutumundan maksimum istifadə etmək mümkünsüzləşir.
"Qazaxıstan Respublikasının Dəniz Administrasiyası quru yük və neft terminallarında keçidi azaldıb. Hazırda quru yük gəmiləri 600-1300 ton, neft tankerləri 2-2,5 min ton az yüklənir. Gəmilərin yüklənməsinin azaldılması bu marşrutun gəlirliyini azaldacaq", - Aktau Beynəlxalq Dəniz Ticarət Limanının baş dispetçeri Vadim Novikov deyib.
Dərinləşdirmə layihəsinə əsasən, torpağın qazılmasının ümumi həcmi 2,4 milyon ton təşkil edəcək. Körpülərin yaxınlığında dərinlik bir yarım metr artacaq. Bu arada Aktauda işlərin birinci mərhələsi başlayır.
İşin birinci mərhələsinin başa çatdırılması gəmilərin tam yüklənməsinə imkan verəcək. Dərinləşdirmə layihəsinin gələcəkdə bərpa edilib-edilməyəcəyi Xəzər dənizinin səviyyəsindəki dəyişikliklərin dinamikasından asılı olacaq. Dayazlaşma davam edərsə, hökumət su anbarının ekosisteminə müdaxilənin ikinci mərhələsini həyata keçirəcək.
“Seanews.az”
