niz xəstəliyindən unikal eynəklər xilas edəcək- V
Seanews.az xəbər verir ki, artıq “dəniz xəstəliyi”ni müalicə etmək mümkündür. Fransanın “Citroën» şirkəti tərəfindən hazırlanan xüsusi eynəklər “dəniz xəstəliyi” adlanan xoşagəlməz fiziki nasazlıqları aradan qaldırır. 99 avroya başa gələn eynək insanı xəstəliyin bütün əlamətlərindən -ürək bulanmasından, baş gicəllənməsindən, eləcədə halsızlıqdan tam xilas edir. Eynəkdə şüşənin yerində xüsusi yumşaq plastik yerləşdirilib ki, onların da içərisində xüsusi maye var. Gəmi ləngər vurduqda, həmin maye üfüqə baxış bucağını düzəldir, bununla da beyinə gedən impulsları tarazlayır. Cihaz 4 slotdan ibarətdir və insanın gözünü yanlardan və qabaqdan, bununlada beyni əlavə impulslardan qorumuş olur. İxtiraçılar deyirlər ki, cihazdan avtomobil, qatar və təyyarələrdə də istifadə etmək mümkündür. Qeyd edək ki, bu eynəyi “dəniz xəstəliyi”nin ilk simptomları zamanı taxmaq lazımdır.
