Xəzər dənizinin sahili qırmızı rəngə boyanıb
Qazaxıstanın cənubi-qərbində Xəzər dənizinin sahili qırmızı rəngə boyanıb.
Bu, Aktau sakinlərini həm təəccübləndirib, həm də qorxudub.
Ekoloqlar isə əhalini bundan qorxmamağa çağırıb. Mütəxəssislərin sözlərinə görə, bu, adi təbiət hadisəsidir. Buna səbəb dənizin dərinliyində bitən rəngli yosunlardır. Onlar suyun üzünə çıxanda belə mənzərə yaranır.
“Qızarma Xəzər dənizində bitən yosunlardan əmələ gəlir, onların 25-dən çox növü var: laurentsiya, polisifoniya, melobeziya, onlar dayaz suda yaşayır və bu cür çalar verir”, - ekoloq Rauşan Tulepova danışıb.
Qafqazinfo
© Materiallardan istifadə edərkən hiperlinklə istinad olunmalıdır
