Dənizçilər üçün yeni kitab nəşr edilib
Azərbaycan dənizçilərinə ixtisas üzrə ingilis dilində danışığı öyrədən müəllim Ülfət Quliyevin “Dəniz Naviqasiya Mühəndisləri üçün Peşəkar İngilis Dili” adlı kitabı işıq üzü görüb.
Bu kitabın əsas özəlliyi, müasir dövrdə dənizçilər üçün vacib hesab edilən məsələləri əhatə etməsi və çox sadə, asan başa düşülən dildə yazılmasıdır. Vəsait, məhz dənizçilərin ehtiyaclarına əsaslanaraq, 3 il 6 aya hazırlanıb.
Bu tipli universal vəsait Azərbaycanda ilk və yeganədir. Dənizçilərin ingilis dili ilə bağlı yaşadığı çətinliklərin hamısı bu kitabda öz həllini tapıb.
Qeyd edək ki, kitabın rəyçiləri ASCO-nun Xəzər Dəniz Neft Donanmasında hamiyəçi-kapitan işləyən Balakişi Salmanov, Azərbaycan Dövlət Dəniz Akademiyasının “İngilis dili” kafedrasının müdiri, filologiya elmləri doktoru, professor Gülçöhrə Əliyeva və təcrübəli dənizçi, uzaq səfərlər kapitanı Şahlar Məmmədovdur.
