“Maersk Container Industry”-yə yeni Baş icraçı direktor təyin edilib
Soren Let Yohannsen “A.P. Moller-Maersk” Qrupuna daxil olan konteyner istehsalçısı “Maersk Container Industry”-nin yeni Baş icraçı direktoru vəzifəsinə təyin edilib.
“Seanews.az”ın məlumatına görə, Şon Fitsceraldı əvəz edəcək və vəzifəsinin icrasına 2022-ci il noyabrın 1-də başlayacaq.
S.L. Yohannsen 2005-ci ildən “Maersk Container Industry”-də baş kommersiya direktoru kimi çalışır.
Qeyd edək ki, 2021-ci ilin payızında “A.P. Moller – Maersk” “Maersk Container Industry” şirkətini Çinin “China International Marine Containers” (“CIMC”) şirkətinə satmaq qərarına gəlmişdi.
“Maersk Container Industry”-nin bütün strukturları və aktivləri, o cümlədən Sindaodakı soyuducu konteyner zavodu, həmçinin Danimarkadakı tədqiqat bölməsi və təcrübə sahəsi “CIMC”-nin mülkiyyətinə çevrilməli idi. Lakin sövdələşmə ABŞ Ədliyyə Nazirliyi tərəfindən təsdiqlənmədi.
