Dənizlərin Teslası” payızda ilk səfərinə çıx
Hollandiyaya məxsus “Port Liner” şirkəti payız aylarında tamamilə elektrik sistemi ilə işləyəcək avtonom gəmilərin istismarına hazırlaşır. Şirkətdən bildirilib ki, bu gəmilərə tələb böyükdür. “Qaz emisiyasının qarşısını alacaq gəmilər hələ təqdim olunmasa da, sifarişlər çoxdur. İlkin olaraq 15 ədəd istehsal etmişik. Həmin gəmilər Hollandiya və Belçika sularında üzəcəklər”-deyə, əlavə ediblər. “Dənizin Teslası” adı verilən gəmilər 425 tonadək yük daşıya biləcək. Elektrik sistemiylə işlədiyinə görə üzən vasitələrdə maşın şöbəsi olmayacaq. “Port Liner” in yeni elektrikli gəmi layihəsinin dəyərinin 100 milyon avro olduğu bildirilir.
© Materiallardan istifadə edərkən hiperlinklə istinad olunmalıdır
