Filippin 5 böyük patrul gəmisi alacaq
Filippin milli sahil mühafizəsini gücləndirmək üçün patrul gəmiləri alacaq.
Ordu.az xəbər verir ki, Çinin Hind-Sakit okean regionunda artan nüfuzu qarşısında Yaponiya hökuməti həmfikir ölkələrə müdafiənin maliyyələşdirilməsini dəstəkləməyə davam edir.
Filippin Yaponiya ilə 5 böyük patrul gəmisinin tədarükünə dair müqavilə imzalayıb.
Razılaşmaya görə, 2028-ci ilə qədər Yaponiya istehsalı olan 97 metr uzunluğunda 5 sahil mühafizə gəmisi Filippin Hərbi Dəniz Qüvvələrinə təhvil veriləcək.
Bildirilib ki, gəmi tədarükü müqaviləsi Manila hökuməti ilə Yaponiya Beynəlxalq Əməkdaşlıq Agentliyi (JICA) arasında imzalanıb.
© Materiallardan istifadə edərkən hiperlinklə istinad olunmalıdır