“Wallenius Wilhelmsen” üçün dünyanın ən böyük avtomobil daşıyıcıları tikilir
“Wallenius Wilhelmsen” şirkəti “Jinling Shipyard”-a (Jiangsu) sifariş verdiyi 12 avtomobil daşıyıcısından dördünün ölçüsünü artırdığını açıqlayıb.
“Seanews.az” xəbər verir ki, 9,3 min CEU-dan (adi minik avtomobilləri) gəmilərin tutumu təxminən 11,7 min CEU-ya qədər artırılacaq.
Şirkətdə bildiriblər ki, bunlar indiyə qədər yaradılmış ən böyük ixtisaslaşmış avtomobil daşıyıcıları olacaq.
Seriyanın “Shaper” sinifli digər gəmiləri kimi, genişləndirilmiş avtomobil daşıyıcıları da metanolla işləyə bilən iki yanacaqlı mühərrik və gücləndirilmiş rampa ilə təchiz ediləcək. Gəmilər ağır və böyük ölçülü yüklərin daşınması üçün əhəmiyyətli imkanlara və yüksək enerji səmərəliliyinə malik olacaqlar.
“Shaper” sinifli gəmilərin tədarükü 2026-cı ilin ikinci yarısında başlayacaq və ilk genişləndirilmiş gəmi 2027-ci ilin sonunda sifarişçiyə təhvil veriləcək.
